22 октомври 1978, Радовиш

СВЕТСКО ПРВЕНСТВО дваесетишесто 1996 (јуниори), деветнаесетто 2002
ЕВРОПСКО ПРВЕНСТВО сребрен медал 2000, бронзен медал 2004 (полициско), седмо 1995, осмо 1996, петнаесетто 1998 (јуниори)
БАЛКАНСКО ПРВЕНСТВО бронзен медал 1996
ДРЖАВЕН ПРВАК 1998
КУП НА ЕВРОПСКИ ШАМПИОНИ бронзен медал 1997
ЕКИПЕН ДРЖАВЕН ПРВАК 1993, 1994, 1996, 1997, 1998

 

Владо Лазаров уште на 15-годишна возраст станува дел од првиот тим на БК „Бучим-Јака“, во 1993 година кога клубот ја освојува шампионската титула на Македонија. 

Во 1995 година, на Европското првенство за јуниори во Витен – Германија, се пласира на 8-то место, а истиот резултат го повторува и следната година во Софија – Бугарија. 

На Балканското првенство за јуниори во Тирана – Албанија освојува бронзен медал. 

Во 1997 година настапува во Купот на европските шампиони како 19-годишен младинец и остварува значајна победа во Радовиш против ЦСКА Москва, совладувајќи го Мурат Рамазанов, кој подоцна се приклучува на македонската репрезентација. 

Лазаров е дел од генерацијата која ги освојува шампионските титули во 1993, 1994, 1996, 1997 и 1998 година. 

Кон крајот на кариерата настапува за БК „Тигар“ од Скопје, каде ја завршува натпреварувачката кариера. Денес е член на Управниот одбор на БК „Бучим“.